Noble Quran » Ўзбек » Sorah An-Naba' ( The Great News )
Choose the reader
Ўзбек
Sorah An-Naba' ( The Great News ) - Verses Number 40
عَمَّ يَتَسَاءَلُونَ ( 1 ) 
Нима ҳақида сўрашади?
عَنِ النَّبَإِ الْعَظِيمِ ( 2 )
Улкан, муҳим хабар ҳақида (сўрашади).
الَّذِي هُمْ فِيهِ مُخْتَلِفُونَ ( 3 )
Шундай хабарки, у(мушрик)лар) унинг ҳақида ихтилоф қиларлар.
كَلَّا سَيَعْلَمُونَ ( 4 )
Йўқ! Улар тезда биларлар!
ثُمَّ كَلَّا سَيَعْلَمُونَ ( 5 )
Яна йўқ! Улар тезда биларлар! (Мушриклар азобни тортганларида қайта тирилиш нима эканлигини, унинг бўлиши ҳеч шубҳасиз ҳақ эканини албатта биладилар.)
أَلَمْ نَجْعَلِ الْأَرْضَ مِهَادًا ( 6 )
Ерни тўшаб қўймадикми?
وَالْجِبَالَ أَوْتَادًا ( 7 )
Ва тоғларни қозиқ (қилиб қўймадикми?).
وَخَلَقْنَاكُمْ أَزْوَاجًا ( 8 )
Ва сизларни жуфт қилиб яратдик.
وَجَعَلْنَا نَوْمَكُمْ سُبَاتًا ( 9 )
Ва уйқуларингизни роҳат қилиб қўйдик.
وَجَعَلْنَا اللَّيْلَ لِبَاسًا ( 10 )
Ва кечасини либос қилиб қўйдик.
وَجَعَلْنَا النَّهَارَ مَعَاشًا ( 11 )
Ва кундузни тириклик қилдик.
وَبَنَيْنَا فَوْقَكُمْ سَبْعًا شِدَادًا ( 12 )
Тепаларнгизга етти мустаҳкам (осмон)ни бино қилдик.
وَجَعَلْنَا سِرَاجًا وَهَّاجًا ( 13 )
Ва шуъла таратувчи чироқ ҳам қилдик.
وَأَنزَلْنَا مِنَ الْمُعْصِرَاتِ مَاءً ثَجَّاجًا ( 14 )
Ва сиқилган(булут)лардан оқувчи сувлар туширдик.
لِّنُخْرِجَ بِهِ حَبًّا وَنَبَاتًا ( 15 )
У(сув) билан дон ва наботот чиқаришимиз учун.
وَجَنَّاتٍ أَلْفَافًا ( 16 )
Ва дарахтлари бир-бирига киришган бўстонлар.
إِنَّ يَوْمَ الْفَصْلِ كَانَ مِيقَاتًا ( 17 )
Албатта, ажрим куни вақти белгиланган эди.
يَوْمَ يُنفَخُ فِي الصُّورِ فَتَأْتُونَ أَفْوَاجًا ( 18 )
У кунда сурга пуфланур ва сизлар тўп-тўп бўлиб келурсизлар.
وَفُتِحَتِ السَّمَاءُ فَكَانَتْ أَبْوَابًا ( 19 )
Осмон ёрилиб, эшик-эшиклар очилур.
وَسُيِّرَتِ الْجِبَالُ فَكَانَتْ سَرَابًا ( 20 )
Тоғлар ўрнидан кўчирилиб, саробга айланур.
إِنَّ جَهَنَّمَ كَانَتْ مِرْصَادًا ( 21 )
Албатта, жаҳаннам пойлаб турувчи эди.
لِّلطَّاغِينَ مَآبًا ( 22 )
Туғёнга кетганларга қайтар жойдир.
لَّابِثِينَ فِيهَا أَحْقَابًا ( 23 )
Улар унда замонлар бўйи қолувчилардир.
لَّا يَذُوقُونَ فِيهَا بَرْدًا وَلَا شَرَابًا ( 24 )
Улар унда совуқни ҳам, шаробни ҳам татий олмаслар.
إِلَّا حَمِيمًا وَغَسَّاقًا ( 25 )
Магар қайноқ сув ва йирингни (татирлар).
جَزَاءً وِفَاقًا ( 26 )
Мувофиқ жазо ўлароқ.
إِنَّهُمْ كَانُوا لَا يَرْجُونَ حِسَابًا ( 27 )
Чунки улар ҳисоб-китоб бўлишига ишонмасдилар.
وَكَذَّبُوا بِآيَاتِنَا كِذَّابًا ( 28 )
Ва Бизнинг оятлариимизни ёлғон дейишган эди, ёлғон!.
وَكُلَّ شَيْءٍ أَحْصَيْنَاهُ كِتَابًا ( 29 )
Биз барча нарсани китобга жамлаб қўйганмиз.
فَذُوقُوا فَلَن نَّزِيدَكُمْ إِلَّا عَذَابًا ( 30 )
Бас, татиб кўринглар, сизларга азобдан бошқа ҳеч нарсани зиёда қилмасмиз.
إِنَّ لِلْمُتَّقِينَ مَفَازًا ( 31 )
Албатта, тақводорларга ютуқ бордир:
حَدَائِقَ وَأَعْنَابًا ( 32 )
Боғ-роғлар, узумзорлар бордир.
وَكَوَاعِبَ أَتْرَابًا ( 33 )
Ва янги бўйи етган бир хил ёшдаги қизлар бордир.
وَكَأْسًا دِهَاقًا ( 34 )
Ва тўлдирилган қадаҳлар бордир.
لَّا يَسْمَعُونَ فِيهَا لَغْوًا وَلَا كِذَّابًا ( 35 )
У ерда бекорчи гапларни ҳам, ёлғон гапларни ҳам эшитмаслар.
جَزَاءً مِّن رَّبِّكَ عَطَاءً حِسَابًا ( 36 )
Роббингдан мукофот, совға ҳисобидандир.
رَّبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا ( 37 )
У осмонлар, ер ва уларнинг орасидаги барча нарсаларнинг Роббиси, Роҳмандир, Унинг ҳузурида ҳеч ким хитоб қилишга қодир бўлмас.
يَوْمَ يَقُومُ الرُّوحُ وَالْمَلَائِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا ( 38 )
Ўша кунда Руҳ ва фаришталар саф бўлиб турадир. Роҳман изн берганлар ва тўғри сўзлаганлардан ўзгалар гапира олмаслар.
ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا ( 39 )
У ҳақ кундир. Ким хоҳласа, ўз Роббисига қайтар йўл оладир.
إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا ( 40 )
Албатта, Биз сизларни яқин келажакдаги азобдан қўрқитдик. У кунда, ҳар киши (қўли) тақдим қилган нарсага назар соладир. Ва кофир «кошки тупроқ бўлиб кетсам», –дейдир.
Random Books
- Қисқача Аҳлуссунна вал-жамоа эътиқодиШайх Сауд ибн Иброхим Шураймнинг мукаддимаси Аллох таъолога хамдлар ва пайгамбарларнинг сўнггисига салавот ва саломлар бўлсин. Мен Аллох йўлидаги дўстим шайх Абдуллох ибн Абдулхамид Оли Исмоилнинг нажот топувчи фирка, мададланган тоифа _ “Ахлуссунна вал-жамоа” эътикоди хакида ёзган “ал-Важиз фий акидатис-салафис-солих” (Салаф солих эътикоди хакида мухтасар сайланма) номли китобини ўкиб чикдим. Бу бебахо ва фойдали китобдир. Муаллиф унда “ахлуссунна вал-жамоа” эътикодининг, ушлаган кимса нажот топадиган, юз ўгирган кимса халок бўладиган асослари хакида мухтасар хабарларни баён килган. Бу асослардан юз ўгиришдан Аллох сакласин! Муаллиф тахсинга лойик хизматлар килган. Чунки, у жумлаларни ўкувчи хамда тингловчи англаб олиши кулай бўлган енгил сўз ва маънолар билан тузган. Аллох таъоло унга яхшиликларни мукофот килиб, бу китоби билан мусулмонларни фойдалантирсин. Аллох таъоло бизга ва унга фойдали илм ва солих амалларни насиб этсин хамда барча мусулмонларни расулуллох соллаллоху алайхи ва саллам, унинг сахобалари ва энг афзал асрларда яшаган (мусулмон) аждодлар йўлида юришга муваффак килсин! Аллох дуоларни эшитувчи ва ижобат килувчи зотдир.
Formation : Абдуллоҳ ибн Абдулҳамид Ал-Асарий
Source : http://www.islamhouse.com/p/158
Download :
- Қирқ ҳадис шарҳиАллоҳга ҳамдлар бўлсинки, Имом Нававийнинг "Арбаийн" ("Қирқ ҳадис") тўплами ва унинг "Вофий" номли шарҳининг ўзбек тилига қилинган тўлиқ таржимаси ўқувчилар қўлларига осонликча ўз тилларида етиб келди. Бу китобни тарқалишида ҳиссаси қўшилган ҳар бир кишидан Аллоҳ рози бўлсин.
Formation : Абу Закарийё Ан Нававий
Source : http://www.islamhouse.com/p/47431
Download :
- Ал-Ақида ал-холиса шарҳиУшбу китоб бундан бир аср олдин ўтган Саййид Қосим Андижоний қаламларига мансуб бўлиб, унда аллома соф Ислом ақидасини Қуръон ва суннат асосида батафсил баён қилиб берадилар.
Formation : Саййид Қосим Андижоний
Source : http://www.islamhouse.com/p/243089
Download :
- Расулуллоҳ муҳаббати ва унинг аломатлариРасулуллоҳ соллаллоҳу алайҳи ва салламни суюшнинг ҳукми нима? Бу севгининг самаралари нима? Расулуллоҳ соллаллоҳу алайҳи ва салламни суюш аломатлари нима? Саҳобалар ҳаётида бу аломатлар қандай зоҳир бўлар эди? Ва биз қандай ҳолатдамиз? Бу мавзуни мақола уч баҳсда баён қилади.
Formation : Фазл Илоҳий Зоҳийр
Translators : Абу Жаъфар Ал-Бухорий
From issues : http://www.islamnuri.com
Source : http://www.islamhouse.com/p/1200
Download :
- Ҳиснулмуслим изоҳли таржимасиУшбу китобча бутун дунё мусулмонлари хонадонларидан жой олган машҳур "Ҳиснулмуслим - Мусулмоннинг қўрғони" китобчасига изоҳли равишда қилинган таржимадур. Унда дуоларнинг маъносини таржима қилишлик билан бирга уларга олимларнинг сўзларидан фойдаланиб янада ёруғлик киритилади.
Formation : Саид ибн Али ибн Ваҳф ал-Қаҳтоний
Reveiwers : Али Умар Андижоний
Translators : Абдуллоҳ Шариф
Source : http://www.islamhouse.com/p/311443
Download :
