Noble Quran » Татарча » Sorah Al-Mursalat ( Those sent forth )
Choose the reader
Татарча
Sorah Al-Mursalat ( Those sent forth ) - Verses Number 50
وَالْمُرْسَلَاتِ عُرْفًا ( 1 ) 
Тоташ исә торган һәлак итүче җил белән ант итәмен.
فَالْعَاصِفَاتِ عَصْفًا ( 2 )
Чын искүче җил белән.
وَالنَّاشِرَاتِ نَشْرًا ( 3 )
Вә яңгырларны, болытларны таратучы җилләр белән.
فَالْفَارِقَاتِ فَرْقًا ( 4 )
Вә хак белән батыл арасын хәләл белән хәрам арасын аеручы Коръән аятьләре белән.
فَالْمُلْقِيَاتِ ذِكْرًا ( 5 )
Вә пәйгамбәрләргә вәхийне салучы фәрештәләр белән ант итәмен.
عُذْرًا أَوْ نُذْرًا ( 6 )
Ул фәрештәләр яхшы мөселманнарның хаталарын каплаганнары хәлдә яки батыл эшләргә, бидеґәт гамәлләргә чумган кешеләрне Аллаһ ґәзабы илә куркытканнары хәлдә.
إِنَّمَا تُوعَدُونَ لَوَاقِعٌ ( 7 )
Тәхкыйк вәгъдә ителмеш кыямәт булачактыр.
فَإِذَا النُّجُومُ طُمِسَتْ ( 8 )
Әгәр йолдызларның нуры сүнсә.
وَإِذَا السَّمَاءُ فُرِجَتْ ( 9 )
Дәхи күк ярылса.
وَإِذَا الْجِبَالُ نُسِفَتْ ( 10 )
Дәхи таулар тетелеп очсалар.
وَإِذَا الرُّسُلُ أُقِّتَتْ ( 11 )
Вә кыямәт булгач, өммәтләренә гуаһлык бирү өчен пәйгамбәрләргә вакыт билгеләнер, шул билгеләнгән вакытка пәйгамбәрләр вә барча өммәтләр хөкемгә җыелырлар.
لِأَيِّ يَوْمٍ أُجِّلَتْ ( 12 )
Бу хөкем вакыты кайсы көнгә кичектерелде.
لِيَوْمِ الْفَصْلِ ( 13 )
Хак белән батыл арасын аера торган көнгә кичектерелде.
وَمَا أَدْرَاكَ مَا يَوْمُ الْفَصْلِ ( 14 )
Сиңа нәрсә белдерде ул хак белән батыл арасын аера торган көннең нинди көн икәнлеген?
وَيْلٌ يَوْمَئِذٍ لِّلْمُكَذِّبِينَ ( 15 )
Ул көн Коръәнне вә пәйгамбәрне ялган диючеләргә, яки Коръән белән гамәл кылмаган кешеләргә хәсрәт һәм һәлакәтлек көнедер.
أَلَمْ نُهْلِكِ الْأَوَّلِينَ ( 16 )
Әүвәлге кәферләрне Без һәлак итмәдекме?
ثُمَّ نُتْبِعُهُمُ الْآخِرِينَ ( 17 )
Соңра аларга ияртеп соңгы кәферләрне дә һәлак итәрбез.
كَذَٰلِكَ نَفْعَلُ بِالْمُجْرِمِينَ ( 18 )
Коръән белән гамәл кылмыйча кәфер булган, яки монафикъ булган кешеләргә әнә шулай җәза бирәбез.
وَيْلٌ يَوْمَئِذٍ لِّلْمُكَذِّبِينَ ( 19 )
Хакны ялган диючеләргә кыямәт көнендә үкенеч вә җәһәннәм чокырыдыр!
أَلَمْ نَخْلُقكُّم مِّن مَّاءٍ مَّهِينٍ ( 20 )
Әйә сезне халык кылмадыкмы хур булган бер тамчы судан?
فَجَعَلْنَاهُ فِي قَرَارٍ مَّكِينٍ ( 21 )
Ул суны койдык бала ятак урынга, аны анда урнаштырдык.
إِلَىٰ قَدَرٍ مَّعْلُومٍ ( 22 )
Билгеләнгән туачак вакытына чаклы.
فَقَدَرْنَا فَنِعْمَ الْقَادِرُونَ ( 23 )
Бу эшкә Без кадир булдык, ни хуш кадирләрдәнбез.
وَيْلٌ يَوْمَئِذٍ لِّلْمُكَذِّبِينَ ( 24 )
Хакны ялган диючеләргә кыямәт көнендә үкенеч вә җәһәннәм чокырыдыр.
أَلَمْ نَجْعَلِ الْأَرْضَ كِفَاتًا ( 25 )
Әйә Без җирне халык кыйлмадыкмы сезне сындыручы итеп.
أَحْيَاءً وَأَمْوَاتًا ( 26 )
Исән чагыгызда яшәү өчен җир өстенә сыясыз вә үлгәч – җир астына сыясыз.
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا ( 27 )
Вә ул җир өстенә бөек тауларны ясадык, вә сезгә пакь суны эчердек.
وَيْلٌ يَوْمَئِذٍ لِّلْمُكَذِّبِينَ ( 28 )
Хакны ялган диючеләргә кыямәт көнендә үкенеч вә җәһәннәм чокырыдыр.
انطَلِقُوا إِلَىٰ مَا كُنتُم بِهِ تُكَذِّبُونَ ( 29 )
Инде барыгыз хакны инкяр итү белән үзегез хәзерләгән ґәзабка!
انطَلِقُوا إِلَىٰ ظِلٍّ ذِي ثَلَاثِ شُعَبٍ ( 30 )
Өч төрле өч тармаклы булып күренгән җәһәннәм тененең күләгәсенә карагыз.
لَّا ظَلِيلٍ وَلَا يُغْنِي مِنَ اللَّهَبِ ( 31 )
Ул төтен кызулыктан күләгә була алмый һәм ялкынлы ґәзабтан коткара алмыйдыр.
إِنَّهَا تَرْمِي بِشَرَرٍ كَالْقَصْرِ ( 32 )
Тәхкыйк ул җәһәннәм атар биналар кеби зур очкыннарны.
كَأَنَّهُ جِمَالَتٌ صُفْرٌ ( 33 )
Гүя ул очкын сары дөя кебидер.
وَيْلٌ يَوْمَئِذٍ لِّلْمُكَذِّبِينَ ( 34 )
Коръәнне, пәйгамбәрне ялган диючеләргә кыямәт көнендә үкенеч вә җәһәннәм чокырыдыр.
هَٰذَا يَوْمُ لَا يَنطِقُونَ ( 35 )
Бу кыямәт, үзара һичкем сөйләшми торган көндер.
وَلَا يُؤْذَنُ لَهُمْ فَيَعْتَذِرُونَ ( 36 )
Дәхи кешеләрнең кылган гөнаһларына гозер күрсәтергә рөхсәт бирелми торган көндер.
وَيْلٌ يَوْمَئِذٍ لِّلْمُكَذِّبِينَ ( 37 )
Коръән сүзләренә ышанмаган кешеләргә кыямәт көнендә үкенеч вә җәһәннәм чокырыдыр.
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ ( 38 )
Бу кыямәт, хак белән батылны аера торган көндер, сезне әүвәлгеләр белән бергә җыярбыз.
فَإِن كَانَ لَكُمْ كَيْدٌ فَكِيدُونِ ( 39 )
Әгәр сезнең ґәзабтан котылырга берәр хәйләгез булса, хәйлә кылыгыз!
وَيْلٌ يَوْمَئِذٍ لِّلْمُكَذِّبِينَ ( 40 )
Ялганчыларга кыямәт көнендә үкенеч вә җәһәннәм чокырыдыр.
إِنَّ الْمُتَّقِينَ فِي ظِلَالٍ وَعُيُونٍ ( 41 )
Аллаһудан куркып гөнаһлардан сакланучылар, җәннәттә чишмә буйларында күләгәдә рәхәтлектәләр.
وَفَوَاكِهَ مِمَّا يَشْتَهُونَ ( 42 )
Вә үзләре теләгән җимешләр алдындадыр.
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ ( 43 )
Ашагыз, эчегез тәмләп, ләззәт белән кылган изге гамәлләрегез өчен!
إِنَّا كَذَٰلِكَ نَجْزِي الْمُحْسِنِينَ ( 44 )
Тәхкыйк Без Аллаһуга итагать итүче яхшы мөселманнарга яхшы нигъмәтләр бирәбез.
وَيْلٌ يَوْمَئِذٍ لِّلْمُكَذِّبِينَ ( 45 )
Ялганчыларга кыямәт көнендә үкенеч вә җәһәннәм чокырыдыр.
كُلُوا وَتَمَتَّعُوا قَلِيلًا إِنَّكُم مُّجْرِمُونَ ( 46 )
Ий Коръән белән гамәл кылмаучылар, дөньяда аз гына заман ашап-эчеп файдаланып калыгыз, тәхкыйк сез бозык эш кылучыларсыз.
وَيْلٌ يَوْمَئِذٍ لِّلْمُكَذِّبِينَ ( 47 )
Ялганчыларга кыямәт көнендә үкенеч вә җәһәннәм чокырыдыр.
وَإِذَا قِيلَ لَهُمُ ارْكَعُوا لَا يَرْكَعُونَ ( 48 )
Әгәр аларга намаз укыгыз диелсә һич укымас иделәр.
وَيْلٌ يَوْمَئِذٍ لِّلْمُكَذِّبِينَ ( 49 )
Коръәнне, пәйгамбәрне ялган диючеләргә һәм ышанып та Коръән белән гамәл кылмаучыларга кыямәт көнендә үкенеч вә җәһәннәм чокырыдыр.
فَبِأَيِّ حَدِيثٍ بَعْدَهُ يُؤْمِنُونَ ( 50 )
Ул гафил кешеләр ошбу Коръәннән соң нинди сүзләргә ышаналар? Коръәнне ташлап нәрсәгә тотынырлар?
Random Books
- «Мин - мөселман, чөнки мин - татар?»Бу китаб, динебездән читләшкән татар милләтчеләренә һәм үзләренең күкрәкләренә сугып: «Мин татар», – дип шапырынган барча татарларга юллна!
Formation : Ниязетдин мулла Миңлеәхмәт әл-Хәнәфи
Source : http://www.islamhouse.com/p/330721
Download :
- Вәгәзлзр һәм дәресләрБу китапта вәгәзлзр һәм дәресләр җиелган.
Formation : Ниязетдин мулла Миңлеәхмәт әл-Хәнәфи
Source : http://www.islamhouse.com/p/330719
Download :
- КаберҮлем ул, ике тормыш — бетүче фәни дөнья тормышы һәм мәңгелек ахирәт тормышы — арасындагы күпер. Дөнья ахирәтнең чәчүлеге. Кем дөньялыгында изгелек эшләсә ахирәттә газабтан котылыр һәм җәннәтләрдә мәңге калыр, ә кем явызлык эшләсә җәһәннәм утында газаб кылыныр, әгәр аны Аллаһ гафу итмәсә.
Formation : Ниязетдин мулла Миңлеәхмәт әл-Хәнәфи
Source : http://www.islamhouse.com/p/330723
Download :
- Балаларга Иман дәресләреБу кыска гына китап мәктәп яшендәге урта сыйныф балалары өчен динебезне, өммәтебезне вә милләтебезне күтәрүгә бер сәбәп булсын дип әзерләнде.
Formation : Ниязетдин мулла Миңлеәхмәт әл-Хәнәфи
Source : http://www.islamhouse.com/p/330711
Download :
- Мин мөселманБу кыска гына китап балалар өчен динебезне, өммәтебезне вә милләтебезне күтәрүгә бер сәбәп булсын дип әзерләнде.
Formation : Ниязетдин мулла Миңлеәхмәт әл-Хәнәфи
Source : http://www.islamhouse.com/p/338175
Download :